Dating DILG Sec. Mel Senen Sarmiento, espesyal na lalaki sa buhay ni Kris Aquino
Si dating Interior and Local Government Secretary Mel Senen Sarmiento ang espesyal na lalaki ngayon sa buhay ng Queen of All Media na si Kris Aquino.
Nabunyag ito matapos magbahagi ng birthday message si Kris sa kaniyang Instagram account para sa lalaking espesyal para sa kaniya subalit hindi niya pinangalanan.
Sa nasabing post, nagpasalamat si Kris sa pagdating nito sa kaniyang buhay, sa pagsuporta at pagbibigay ng comfort sa kaniya.
Hindi naman naiwasan ng mga followers ni Kris ang manghula kung sino ang tinutukoy nito.
Isang netizen ang nag-post at sinabing “Kawawa naman si dating DILG secretary” at “baka malasin ito”.
Gamit ang Instagram Account ni Kris, sumagot si Sarmiento at sinabing napasaya siya ni Kris at swerte siya dito.
Humingi din ito ng respeto sa mga netizen. (DDC)
