Mahigit 800,000 doses ng COVID-19 vaccine ng Pfizer dumating sa bansa
Karagdagang mahigit 800,000 doses ng Pfizer COVID-19 vaccine na binili ng pamahalaan ang dumating sa bansa, Miyerkules (Aug. 11) ng gabi.
Pasado alas 9:00 ng gabi nang dumating ang 813,150 doses ng Pfizer lulan ng Air Hongkong Flight, sa Ninoy Aquino International Airport.
Sinalubong nina Vaccine Czar Carlito Galvez Jr. at US Embassy Chargé d’ Affaires John C. Law ang pagdating ng mga bakuna.
Sinabi ni Galvez na ang bagong batch ng Pfizer vaccines ay ilalaan sa Metro Manila, Cebu, Davao at iba pang urban areas. (Infinite Radio Calbayog)
