Errol Spence Jr. umatras sa laban nila ni Sen. Manny Pacquiao dahil sa eye injury
Hindi na matutuloy ang laban nina Senator Manny Pacquiao at Errol Spence Jr.
Sa pahayag ni Spence, sinabi nitong nagkaroon siya ng eye injury at nangangailangan ito ng agarang operasyon.
Ani Spence hindi siya pwedeng lumaban sa ganitong kondisyon.
Sa August 21 dapat nakatakda ang laban ng dalawang boxer.
Sa kaniyang post sa Twitter, sinabi naman ni Pacquiao na hiling niya ang mabilis na paggaling ni Spence.
Dahil sa insidente, si World Boxing Association welterweight champion Yordenis Ugas na ang makakalaban ni Pacquiao. (DDC)
