Reimbursement ng mga ospital sa PhilHealth pinamamadali ni Sen. Angara
Pinamamadali rin ni Senador Sonny Angara sa Philhealth ang reimbursement sa mga pagamutan sa gitna ng pinangangambahang pagdami ng kaso ng Delta variant sa bansa.
Sinabi ni Angara na dapat maihanda ang lahat ng pagamutan sa anumang posibleng senaryo.
Ipinaliwanag ng senador na isa sa matinding pahirap na kinakaharap ng mga ospital ay ang hirap sa reimbursement sa kanilang medical services.
Dahil sa financial difficulties, maraming oapital ang nagbawas ng kanilang bed capacity o bilang ng kanilang health personnel.
Una na ring inihain ni Angara ang Senate Resolution 774 upang busisiin ang delayed payment ng mga claims sa PhilHealth.
Sa datos, nasa P50 hanggang P700 milyon ang nakabinbin pang claims ng mga pagamutan habang may isang pagamutan ang umaabot sa P1.2 bilyon ang singilin sa Philhealth. (Dang Garcia)
