LPA sa bahagi ng Batanes isa nang ganap na bagyo; pinangalanang Gorio ng PAGASA
UPDATE: Nabuo na bilang isang ganap na bagyo ang Low Pressure Area (LPA) na namataan ng PAGASA sa bahagi ng Batanes.
Pinangalanan itong Gorio ng PAGASA na pang-pitong bagyo sa bansa ngayong taon.
Nakatakdang maglabas ng weather bulletin ang PAGASA para sa tropical depression Gorio.
Samantala, sa susunod na 24 na oras ay Habagat pa rin ang makaaapekto sa malaking bahagi ng bansa.
Maghahatid ito ng katamtaman hanggang sa malakas na pag-ulan sa Ilocos Region, Zambales, Bataan, Abra, Apayao, Benguet, Batanes, at Babuyan Islands.
Mahina hanggang katamtaman at kung minsan ay malakas na pag-ulan naman ang mararanasan sa Metro Manila, Tarlac, Pampanga, Bulacan, Occidental Mindoro, Batangas, Cavite, at sa nalalabing bahagi ng Cordillera Administrative Region at Cagayan Valley.
