P78M na halaga ng smuggled at pekeng sigarilyo nakumpiska ng BOC
Nakumpiska ng mga tauhan ng Bureau of Customs (BOC) sa Subic ang P78 million na halaga ng mga smuggled at counterfeit na sigarilyo.
Ang mga sigarilyo ay sakay ng dalawang container shipments na idineklarang Laminating Film at naka-consigne sa Mysticflare Import and Export Co.
Nang isagawa ang physical examination sa mga kargamento ay nakita ang iba’t ibang brand ng sigarilyo na laman nito.
Agad nagpalabas ng Warrants of Seizure and Detention sa mga kargamento dahil sa pagabag sa National Tobacco Administration (NTA) Memorandum Circular No. 03, series of 2004; Section 155 ng R.A. 8293 o Intellectual Property Code of the Philippines, at Republic Act No. 10863 o Customs Modernization and Tariff Act (CMTA).
