Mayor ng General Mariano Alvarez, Cavite na si Walter Echevarria Jr., bumaba sa pwesto dahil sa problema sa kalusugan

Nagbitiw sa pwesto ang alkalde ng General Mariano Alvarez sa Cavite na si Walter Echevarria Jr.

Sa kaniyang pahayag, sinabi ni Echevarria na nais niyang ipabatid sa kaniyang mga constituents ang pagbibitiw niya sa pwesto.

Ito ay dahil aniya sa problema sa kaniyang kalusugan.

Ayon sa alkalde, nalulungkot siya sa kaniyag pasya subalit batid niyang mas kailangan ng bayan ang lider na may kakayahang mamuno sa gitna ng panahon ng pandemya.

Apela ni Echevarria sa mga residente, patuloy na suportahan ang mga proyekto at programa ng pamahalaang bayan.