51 pulis na kabilang sa SONA deployment nagpositibo sa COVID-19
Sa walumpu’t dalawang pulis ng Quezon City Police District (QCPD) na nagpositibo sa COVID-19, limampu’t isa sa kanila ang kabilang sa mga idineploy noong State of the Nation Address ni Pangulong Rodrigo Duterte.
Ayon kay QCPD Director PBGen. Antonio Yarra, July 23 isinagawa ang COVID-19 test sa mga pulis at natanggap nila ang resulta noong Martes at kahapon araw ng Miyerkules.
Nakikipag-ugnaya na ang QCPD sa city health office para sa contact tracing.
Minamanadali na ang contact tracing para sa dalawampu’t anim na pulis na nagpositibo sa COVID-19 dahil kabilang sila sa mga itinalaga sa bahagi ng Technohub.
Hindi naman binanggit ni Yarra kung saang banda pa idineploy ang iba pang pulis na nagpositibo sa COVID-19.
