Mahigit 6 million na katao fully-vaccinated na ayon sa DOH
Mayroon nang mahigit 6 million na indibidwal ang fully-vaccinated na ayon sa datos na inilabas ng Department of Health (DOH).
Batay sa Daily Vaccination Report mula sa National Vaccination Operations Center, 17,202,421 doses ng bakuna ang naiturok na.
Sa nasabing bilang, 11,113,107 ang para sa 1st dose at 6,089,314 na indibidwal ang nabigyan na ng 2nd dose.
Ang average daily administered doses sa nakalipas na pitong araw ay umabot sa 300,880.
Nakasaad din sa datos na mayroon nang 425,859 na nasa A5 category (poor population) ang nabigyan na ng unang dose ng bakuna at 229,599 sa kanila ang nabigyan na ng second dose. (Dona Dominguez-Cargullo)
