Mahigit 900 pamilya na naapektuhan ng Habagat sa Montalban nananatili sa evacuation sites
Mayroong mahigit 900 pamilya pa sa Montalban, Rizal ang nananatili sa evacuation centers.
Ito ay makaraang maapektuhan sila ng ilang araw nang tuluy-tuloy na pag-ulan dahil sa Habagat.
Sa datos ng Municipal Social Welfare and Development Office ng Montalban, 917 na pamilya ang inilikas mula sa mga Barangay San Jose, Byrgos, San Isidro, Manggahan at Rosario.
Katumbas ito ng 3,736 na katao na nananatili sa mga evacuation center.
Mayroong 13 evacuation centers ang bukas kung saan pansamantalang nanunuluyan ang mga evacuee.
