Achievements sa nakalipas na limang taon sentro ng huling SONA ni Pangulong Duterte
Tuloy na tuloy na ang ikaanim at huling State of the Nation Address ni Pangulong Rodrigo Duterte sa Batasang Pambansa sa Quezon City.
Sa kabila ito ng hindi magandang panahon dahil sa epekto ng Southwest Monsoon o Habagat ang Metro Manila.
Ayon kay Presidential Communications Secretary Martin Andanar, sa huling SONA ng pangulo, sesentrohan ang mga naging achievements ng adminsitrasyon sa nakalipas na limang taon.
Kasama ding babanggitin ng pangulo ang mga plano pang gawin sa nalalabing isang taon.
Batay sa isinagawang practice ng pangulo sa kaniyang SONA, tatagal lang ng 45-minuto ang kaniyang SONA.
Magugunitang sinabi ni Andanar na wala na hindi na kumuha ng serbisyo ng mga batikang direktor para sa SONA ng pangulo.
Sa halip ay ang taga RTVM na lamang ang magdi-direk ng SONA. (Faith Dela Cruz)
