Mahigit 30.9 million doses ng COVID-19 vaccine nai-deliver na sa bansa

Umabot na sa mahigit 30 milyong doses ng COVID-19 vaccines ang natanggap ng bansa.

Ayon sa datos mula sa National Task Force Against COVID-19, 30,985,130 doses na ang kabuuang bilang ng COVID-19 vaccines na dumating sa Pilipinas.

Sa nasabing bilang, 18.6 million ang binili ng gobyerno, 10.3 million ang donasyon mula sa COVAX Facility, at 2.1 million ang galing sa bilateral donations.

Pinakamaraming bilang ng bakuna na dumating sa bansa ay mula sa Sinovac. (Dona Dominguez-Cargullo)