Pagbabakuna sa Antipolo suspendido muna dahil sa sama ng panahon

Suspendido muna ang pagbabakuna ngayong araw ng Sabado, July 24 sa lungsod ng Antipolo.

Bunsod ito ng masamang panahon dulot ng Hanging Habagat na pinapalakas pa ng Bagyong Fabian.

Ayon sa abiso ng Antipolo City LGU, batay sa pahayag ng DOH vaccine experts, hindi naman kailangang mag-aalala ng mga naka-schedule para sa 2nd dose dahil hindi naaapektuhan ang bisa o efficacy ng bakuna kahit na ma-delay ang pagbibigay nito.

Kailangan lamang pasok sa 21 days to 6 months ang interval.

Inabisuhan ang mga residente na mag-antabay sa susunod na schedule ng pagbabakuna. (Dona Dominguez-Cargullo)