1 million doses pa ng Sinovac COVID-19 vaccine dumating sa bansa
Dumating sa bansa ang isang milyong doses pa ng COVID-19 vaccine ng Sinovac Biotech galing China.
Lulan ng Cebu Pacific flight ang mga bakuna nang dumating ito sa NAIA pasado alas 7:00 ng umaga ng Biyernes, July 23.
Dahil sa pagdating sa bansa ng dagdag na mga bakuna, umabot na sa 17 million na Sinovac vaccine ang nai-deliver sa Pilipinas.
Kabilang dito ang 16 na milyon na binili ng gobyerno at pribadong sektor at isang milyong doses na donasyon ng China. (BVD)
