Red warning nakataaas na sa Bataan at Zambales; Orange warning itinaas naman sa Metro Manila at Cavite
Itinaas na ng PAGASA ang Red Warning sa lalawigan ng Bataan at Zambales.
Sa inilabas na heavy rainfall warning ng PAGASA alas 9:14 ng umaga ng Miyerkules (July 21), maari nang makaranas ng pagbaha sa mga flood-prone area.
Orange warning naman ang nakataas na sa Metro Manila at Cavite.
Samantala, mahina hanggang katamtaman at kung minsan ay malakas na pag-ulan ang mararanasan sa Nueva Ecija, Laguna, Rizal at Quezon.
Ang pag-ulan ay dulot ng Habagat na pinalalakas ng Bagyong Fabian. (Dona Dominguez-Cargullo)
