41.37 percent ng target population sa QC nabakunahan na kontra COVID-19

Umabot na sa 41.37 percent ng target population sa Quezon City ang nabakunahan na kontra COVID-19.

Ayon sa datos, umabot na sa 703,354 na mga mamamayan ng Quezon City ang nabakunahan ng first dose.

Sa nasabing bilang, 475,267 ang tumanggap na ng second dose.

1.7 million ang target ng QC LGU na mabakunahan laban sa COVID-19 para makamit ang herd immunity.

Hinikayat naman ng LGU ang mga residente na magrehistro sa QC Vax Easy upang makatanggap ng schedule ng pagbabakuna.

Ang mga nabibigyan ng schedule ay alinsunod sa first in, first out system o prayoridad na mabakunahan ang mga naunang nakapagrehistro.

At ang schedule ay depende pa rin sa supply ng bakuna. (BVD)