July 20 idineklarang regular holiday ng Malakanyang bilang paggunita sa Eid’l Adha
Idineklarang regular holiday ng Malakanyang ang July 20, 2021 bilang paggunita sa Eid’l Adha o Feast of Sacrifice.
Sa bisa ng Proclamation No. 1189, idineklara ng pangulo ang nasabing petsa bilang regular holiday sa buong bansa base na rin sa rekomendasyon ng National Commission on Muslim Filipinos.
Nakasaad sa proklamasyon na ang Eid’l Adha ay isa sa dalawang pinakamalaking selebrasyon sa Islam.
Paalala naman ng Palasyo, tiyaking masusunod ang umiiral na community quarantine measures sa isasagawang mga aktibidad at pagdiriwang. (BVD)
