Second dose vaccination ng Sinovac sa Caloocan City pansamantalang ihihinto
Inihinto din muna ang pagbabakuna ng second dose ng Sinovac sa Caloocan City.
Ayon sa abiso ng City Government ng Caloocan, hindi muna matutuloy ang second dose ng Sinovac para sa mga nakatakdang tumanggap nito araw ng Miyerkules (July 14).
Hinihintay pa kasi ang dagdag na suplay ng bakuna dahil naantala ang pagdating nito sa bansa.
Pinayuhan din ang mga residente na antabayanan ang anunsyo sa Facebook Page ni Caloocan City Mayor Oscar Malapitan para sa susunod na schedule.
