Kaso ng COVID-19 sa Maynila nadagdagan ng 89 pa
Nadagdagan ng 89 pa ang kaso ng COVID-19 sa Maynila.
Sa datos mula sa Manila Health Department, hanggang alas 12:00 ng tanghali ng Lunes – July 12, ay 1,135 ang active cases ng COVID-19 sa lungsod.
Umabot na sa 66,980 ang total confirmed COVID-19 cases.
Habang 64,616 na ang kabuuang bilang ng mga gumaling na makaraang makapagtala pa ng dagdag na 116 recoveries.
Nakapagtala naman ng 1 pang nasawi kaya 1,229 na ang kabuuang bilang ng mga pumanaw sa lungsod dahil sa COVID-19.
Pinakamaraming aktibong kaso ay sa Tondo 1 na umabot sa 234 cases. (Dona Dominguez-Cargullo)
