Hyun Bin at Son Ye Jin may virtual events para sa Filipino fans

Magsasagawa ang mga bida ng hit Korean Drama na “Crash Landing on You” na sina Hyun Bin at Son Ye Jin ng virtual events para sa kanilang Filipino fans ngayong Hulyo.

Ayon sa Smart Communications Inc., ang kanilang endorsers na sina Hyun Bin at Ye Jin ang headline ng Smart Hallyu Hangouts, na isang series ng online shows na inilarawan nilang “The closest thing fans can get to a physical fan meet during the pandemic.”

Ang pilot para sa Hallyu Hangouts ay gaganapin sa July 16 kasama si Ye Jin, habang ang event ni Hyun Bin ay itinakda sa July 31.

Magkakaroon din si Hyun Bin ng isa pang fan meet para sa Pinoy fans sa Linggo na inorganisa ng lifestyle and clothing brand na Bench, na pumili sa aktor bilang kanilang endorser noong nakaraang taon.

Sumikat ang real-life couple sa Pilipinas dahil sa kanilang 2019 drama na “Crash Landing on Uou,” na istorya ng South Korean heiress na nag-crash-land sa North Korea at na-inlove sa isang sundalo. (Infinite radio Calbayog)