Manila City LGU bumili ng 60 electrical beds at iba pang gamit para sa ICU
Bumili ng 60 electrical beds at iba pang gamit para sa ICU ang pamahalaang lungsod ng Maynila.
Ito ay para magamit sa kanilang anim na district hospitals.
Ayon kay Manila City Mayor Isko Moreno ang mga hospital bed ay mayroong fully-electric main controls at foot-end control panels, na gagamitin para sa Intensive Care Unit (ICU) departments.
Bumili din ang Manila City LGU ng 72 Ambu Bags, 72 Blood Pressure Apparatus, 43 Glucometers, 18 Ophthalmoscopes, 31 Stretcher beds, 79 Suction Machines, at 59 Tabletop Pulse Oximeters.
Malaking bagay ayon kay Moreno para sa mga healthcare worker na mayroon silang maayos na gamit sa pagtugon sa mga critical cases lalo ngayong panahon pa ng COVID-19 pandemic. (Dona Dominguez-Cargullo)
