Isa pang sundalo na lulan ng bumagsak na C-130 plane pumanaw habang ginagamot
Isa pang sundalo na kabilang sa mga nasugatan mula sa bumagsak na C-130 sa Sulu noong Linggo ang pumanaw habang nilalapatan ng lunas sa West Metro Medical Center sa Zamboanga City.
Ayon kay AFP Chief of Staff, General Cirilito Sobejana, binawian ng buhay ang sundalo noong Lunes ng gabi.
Aniya, nagtamo ang latest fatality ng “chemical burns” sa mukha at posibleng nakalanghap ng usok kaya lumala ang kondisyon nito.
Bunsod nito, umakyat na sa limampu’t tatlo ang bilang ng mga nasawi, na kinabibilangan ng limampung sundalo at tatlong sibilyan.
Idinagdag pa ni Sobejana na ilan sa apatnapu’t anim na nasugatang sundalo ay nananatili sa kritikal na kondisyon. (Infinite Radio Calbayog)
