28 pang Pinoy tinamaan ng COVID-19 sa ibang bansa; 6 pa ang nasawi
Nadagdagan ng 28 pa ang bilang ng mga Pinoy sa ibang bansa na tinamaan ng COVID-19.
Sa datos mula sa Department of Foreign Affairs (DFA) araw Lunes, July 5, sa kabuuan 20,909 na ang bilang ng mga Pinoy abroad na tinamaan ng COVID-19.
Nadagdagan naman ng 2 ang bilang ng mga Pinoy sa abroad na gumaling sa sakit.
Sa kabuuan, 12,377 na ang gumaling habang 7,289 pa ang sumasailalim sa gamutan.
Nasa 1,243 naman ang kabuuang bilang ng mga nasawing Pinoy sa ibang bansa dahil sa COVID-19 makaraang makapagtala ng 6 pang pumanaw. (Dona Dominguez-Cargullo)
