Mga tricycle driver sa Caloocan tumanggap ng COVID-19 vaccine ng Moderna

Mga tricycle driver naman sa Lungsod ng Caloocan ang binakunahan kontra COVID–19 araw ng Lunes sa Camarin D Elementary School.

Nasa 600 tricycle drivers nabigyan ng unang dose ng Moderna vaccinne ayon kay Caloocan City Covid-19 Vaccination Action Officer Dra. Rachel Basa.

Kasunod ito ng utos ni Caloocan City Mayor Oca Malapitan na mabigyan ng pagkakataon ang mga tricycle driver para sa dagdag na proteksyon habang sila ay naghahanapbuhay.

Ayon kay Malapitan, ang mga tricycle driver ay kabilang sa essential workers o economic frontliners. (Dona Dominguez-Cargullo)