Nasawi sa gumuhong gusali sa Florida umakyat na sa 12; 149 pa ang nawawala

Umakyat na sa 12 ang bilang ng mga nasawi sa gumuhong gusali sa Florida.

Ayon sa mga otoridad, mayroon pang nawawalang 149, anim na araw makalipas maganap ang pagguho ng Florida Condominium Complex.

Ayon kay Miami-Dade County Mayor Daniella Levine Cava, na-recover ang bangkay ng ika-12 biktima araw ng Martes.

Patuloy pa ang imbestigasyon sa kung ano ang naging dahilan ng pagguho ng 40 taon nang gusali.

Nagpapatuloy pa ang rescue efforts ng mga otoridad sa pag-asang mayroon pang matatagpuang buhay. (Dona Dominguez-Cargullo)