Post Office maglalabas ng commemorative stamp para kay dating Pangulong Noynoy Aquino
Maglalabas ng commemorative stamp ang Philippine Postal Corporation (PHLPost) para kay dating Pangulong Benigno Aquino III.
Ayon kay Postmaster General Norman “Mr. Postman” Fulgencio, ito ay bilang pakikidalamhati sa pagpanaw ng dating pangulo.
Sinabi ni Fulgencio na inihahanda na ngayon ng Post Office ang paglalabas ng commemorative stamp bilang pagkilala sa naging kontribusyon at serbisyo ni Aquino sa bansa.
Inilagay na din sa half-mast ang watawat ng Pilipinas sa harap ng Manila Central Post Office Building. (Dona Dominguez-Cargullo)
