Lightning Red Alert itinaas sa NAIA; operasyon sa paliparan pansamantalang inihinto
Inihinto pansamantala ang operasyon sa Ninoy Aquino International Airport (NAIA).
Ito ay makaraang mag-isyu ng Lightning Red Alert ang PAGASA sa NAIA alas 11:164 ng umaga ngayong Biyernes (June 25).
Sa ilalim ng pag-iral ng Red Alert ipinagbabawal muna ang ground operations para na rin sa kaligtasan ng mga crew.
Sa inilabas na abiso ng PAGASA, nakararanas ng katamtaman hanggang sa malakas na buhos ng ulan na may pagkulog at pagkidlat sa Metro Manila, Tarlac, Pampanga, Bulacan, Laguna, Batangas at Rizal. (Dona Dominguez-Cargullo)
