Manila Mayor Isko Moreno nagpaabot ng pakikiramay sa mga naulila ni dating Pangulong Aquino

Nagpaabot ng pakikiramay si Manila Mayor Isko Moreno sa mga naulila ni dating Pangulong Benigno Aquino III.

Sa pahayag ng alkalde, nakilala si PNoy bilang “champion” ng good governance reforms noong panahon ng kaniyang panunungkulan.

Kinilala aniya ang Pilipinas bilang “fastest-growing economy in Asia” sa ilalim ng administrasyong Aquino.

Naging inspirasyon aniya si Aquino sa kaniyang pagiging mapagpakumbaba.

“PNoy was a pragmatic man who did the best with the cards that life had dealt him. He inspired us with his unexpected humility. May his legacy continue to lead others to the right path,” ayon kay Moreno.

Samantala, iniutos ng alkalde ang paglalagay sa half-mast sa lahat ng Watawat ng Pilipinas sa lungsod ng Maynila. (Dona Dominguez-Cargullo)