U-turn slot sa Dario Bridge sa QC isasara gabi-gabi
Gabi-gabing isasara sa mga motorista ang Dario Bridge U-turn slot sa Quezon City.
Ayon sa abiso ng Metropolitan Manila Development Authority, ang pagsasara ay isasagawa pagsapit ng alas 10:00 ng gabi hanggang alas 6:00 ng umaga.
Gabi-gabing isasagawa ang pagsasara habang hindi pa nakapaglalagay ng traffic signal lights sa U-turn slot.
Sinabi ng MMDA na layunin nitong matiyak ang kaligtasan ng mga motorista. (Dona Dominguez-Cargullo)
