25,000 na pulis nabakunahan na kontra COVID-19

Umabot na sa mahigit 25,000 mga pulis ang nabakunahan na kontra COVID-19.

Pahayag ito ni Philippine National Police (PNP) chief Gen. Guillermo Eleazar sa kabila ng 500 doses pa lamang g COVID-19 vaccine ang nailalaan sa PNP.

Ayon kay Eleazar, dahil ang mga pulis ay kabilang na sa A4 Priority Group, kasama na sila sa prayoridad para sa vaccination program ng pamahalaan.

Marami ring mga pulis na nasa A1, at A3 Priority Group na nabakunahan na din.

Karamihan sa mga pulis ay nabakunahan sa mga bayan at lungsod kung saan sila naninirahan.

Samantala, naghihintay pa ang PNP ng dagdag na 500 doses ng bakuna na ilalaan para sa kanila. (Dona Dominguez-Cargullo)