38 kilo ng hinihinalang shabu nakumpiska sa Twin Tower sa Malate Maynila

Nakumpiska ng mga otoridad ang aabot sa 38 kilo ng hinihinalang shabu sa isang gusali sa Malate, Maynila.

Ang nagkasa ng operasyon ay mga tauhan ng pinagsanib na pwersa ng Philippine Drug Enforcement Agency at Manila Police District.

Ayon kay Manila Mayor Isko Moreno, umabot sa 15 kilo ng hinihinalang shabu ang nakumpiska sa isang condo unit habang ang 23 kilo naman ay sa kotse ng suspek sa parking area sa ikatlong palapag ng Twin Tower.

Pag-aari umano ang mga iligal na droga ng isang Chinese national na kamakailan ay naaresto ng PDEA.

Umamin ang dayuhang suspek sa mga otoridad kaya agad nagkasa ng pagsalakay sa condo unit at sasakyan nito. (Dona Dominguez-Cargullo)