4 patay, pito sugatan sa pagsabog ng dinamita sa Masbate
Patay ang apat na katao habang sugatan ang pitong iba pa sa pagsabog ng dinamita sa Balud, Masbate.
Kabilang sa nasawi ang kapitan ng barangay sa Barangay Pajo.
Ayon sa Masbate Provincial Police Office, ang dinamita ay sumabog mula mismo sa bahay ng kapitan na si Lina Recto.
Kinilala ang tatlo pang nasawi na sina Macmac Dela Cruz, Aisa Sese at Ronelyn bulala.
Patuloy ang imbestigasyon sa insidente at kabilang sa iimbestigahan kung bakit mayroong dinamita sa bahay ng kapitan. (Dona Dominguez-Cargullo)
