Burgos, Surigao del Norte niyanig ng magnitude 4.5 na lindol
Niyanig ng magnitude 4.5 na lindol ang lalawigan ng Surigao del Norte.
Naitala ng Phivolcs ang pagyanig sa layong 42 kilometers northeast ng bayan ng Burgos alas 8:51 ng madaling araw ng Linggo, June 13.
Ayon sa Phivolcs tectonic ang origin ng lindol at 6 kilometers ang lalim.
Naitala ang sumusunod na Intensity:
Intensity III – Burgos, Surigao Del Norte
Intensity II – General Luna, Socorro at Santa Monica, Surigao Del Norte; San Francisco at San Ricardo, Southern Leyte
Hindi naman ito inaasahang magdudulot ng pinsala at aftershocks. (Dona Dominguez-Cargullo)
