David Archuleta lumantad, umaming miyembro siya ng LGBTQIA+
Inamin ng Singer-songwriter at former “American Idol” contestant David Archuleta na bahagi siya ng LGBTQIA+ community.
Pero sinabi nitong hindi naman ito nangangahulugan na wala siyang pananampalataya.
Sa mahaba niyang litanya sa kanyang Instagram post araw ng Sabado, sinabi ni Archuleta na 2014 nang aminin niya sa kanyang pamilya na siya ay bakla, subalit may kapareho umano siyang nararamdaman sa kapwa lalaki at maging sa babae dahilan para ituring niya ang sarili bilang bisexual.
Sinabi rin nitong wala siyang masyadong sexual desires at itinuring ang sarili bilang “asexual” , termino na tumutukoy sa mga taong walang pagnanasa sa pakikipagtalik. (Ricky A. Brozas)
