ECQ pinaiiral sa ilang lugar sa Catbalogan City

Isinailalim sa Enhanced Community Quarantine ang ilang lugar sa lungsod ng Catbalogan dahil sa dumaraming kaso ng COVID-19.

Kabilang sa mga ito ay ang Dapit Lincoln, Legazpi, Del Rosario at San Francisco Streets, Barangay Maulon, at Barangay Bunuanan.

Bawal muna ang public at religious gatherings.

Ipatutupad din ang 24/7 curfew maliban kung bibili ng pangunahing pangangailangan. Bawal din ang pag-eehersisyo sa labas ng bahay.

Ang pinapayagan lang lumabas ay ang may Quarantine All Purpose Pass, Worker’s Pass at Frontliner’s Pass.

Ang mga tindahan na nag-aalok ng essential goods and services lang ang pinapayagang magbukas ngunit hanggang alas 8:00 lang ng gabi at iiral ang Liquor Ban. (JM Somino)