Indoor non-contact sports venues pinayagan na ng IATF sa NCR Plus

Pinayagan na ng Inter-Agency Task Force (IATF) ang pagbubukas ng mga indoor non-contact sports venues.

Ayon kay Presidential Spokesperson Harry Roque pwede nang magbukas ang mga gyms, fitness studios, skating rinks, at racket sports courts sa National Capital Region (NCR) Plus areas pero limitado lamang sa 30% venue capacity.

Kailangan ding mayroon silang Safety Seal Certifications.

Pinayagan din ng IATF na magbukas na ang mga historical sites at museums sa NCR Plus areas pero limitado lamang sa 20% venue capacity at kailangang matiyak ang pagsunod sa health and safety protocols.

Mananatili namang bawal ang mga guided tours sa nasabing mga historical sites at museums. (Dona Dominguez-Cargullo)