11 pang Pinoy tinamaan ng COVID-19 sa ibang bansa

Nadagdagan ng 11 pa ang bilang ng mga Pinoy sa ibang bansa na tinamaan ng COVID-19.

Sa datos mula sa Department of Foreign Affairs (DFA) araw ng Miyerkules, June 9, sa kabuuan 19,933 na ang bilang ng mga Pinoy abroad na tinamaan ng COVID-19.

Nadagdagan naman ng 8 ang bilang ng mga Pinoy abroad na gumaling sa sakit.

Sa kabuuan, 12,067 na ang gumaling habang 6,670 pa ang sumasailalim sa gamutan.

Nasa 1,196 naman ang kabuuang bilang ng mga nasawing Pinoy sa ibang bansa dahil sa COVID-19.