FDA inaprubahan ang EUA ng COVID-19 vaccine ng Pfizer para sa mga edad 12 hanggang 15 anyos

Maari nang magamit ang bakuna ng Pfizer kontra COVID-19 sa mga edad 12 hanggang 15 anyos.

Ito ay makaraang aprubahan ng Food and Drug Administration (FDA) ang pag-amyenda sa emergency use authorization (EUA) ng Pfizer.

Ayon kay Health Sec. Francisco Duque III, magagamit na ang Pfizer sa mga edad 12 hanggang 15 kapag may sapat nang bakuna sa bansa.

Sa ngayon, uunahin munang bakunahan gamit ang Pfizer vaccine ang mga edad 12 hanggang 15 na mayroong co-morbidity.

Magugunitang ang unang EUA na inaprubahan ng FDA para sa Pfizer ay para magamit lamang ang bakuna nito sa mga edad 16 pataas.