E-loading platform na LoadXtreme tigil-operasyon muna

Matapos ang 18-taon na operasyon magsasara na muna ang e-loading platform na LoadXtreme.

Ang LoadXtreme ang pioneer sa universal prepaid service.

Sa inilabas na abiso ng LoadXtreme suspendido na ang kanilang operasyon epektibo araw ng Martes, June 1.

Nakasaad sa abiso na simula nang mag-umpisa ang pandemya ng COVID-19 pandemic nagpatupad ng maraming adjustments ang kumpanya sa operasyon nito para maibsan ang negatibong epekto ng pandemya.

Kabilang dito ang pagsasara ng isa sa kanilang mga opisina, mag-adjust ng sweldo ng management, mag-adjust sa manpower scheduling at magpatupad ng work-from-home policies, at iba pang uri ng pagtitipid.

Gayunman sa isinagawang assessment sinabi ng LoadXtreme na kinailangan nang magpatupad ng temporary suspension ng kanilang operasyon.

Sa mga maaapektuhan ng suspensyon ng operasyon ay maaring mag-email sa loadxtreme.official@gmail.com.