Leisure Travel mula NCR Plus patungo sa MGCQ areas pinayahan na
Pinayagan na ng pamahalaan ang leisure travel mula sa NCR Plus bubble patungo sa mga lugar na nakasailalim sa Modified General Community Quarantine (MGCQ) .
Ayon sa Inter Agency Task Force, ang mga biyahero na mas mababa sa 18 ang edad at lagpas 65 ay pwede ring bumiyahe pero kailangan munang sumailalim sa RT-PCR test.
Point-to-point travel lamang din ang papayagan at bawal ang side trips.
Pwede lamang ang stopovers kung kakain, o may personal na pangangailangan.
Magugunitang pinalawig ang pag-iral ng GCQ sa NCR Plus o Metro Manila, Bulacan, Cavite, Laguna, at Rizal hanggang sa June 15.
