Traffic enforcer na binugbog ng babaeng traffic violator sa Maynila binigyang-parangal

Binigyang pagkilala ng pamahalaang lungsod ng Maynila ang tauhan ng Manila Traffic and Parking Bureau (MTPB) na sinaktan ng babaeng traffic violator.

Sa isinagawang seremonya, ginawaran ng
“Sertipiko ng Pagpapahalaga” ni Manila Mayor Isko Moreno si Marcos Anzures dahil sa ipinakitang dedikasyon sa trabaho at pagtitimpi.

Pinasalamatan ni Mayor Isko si Anzures at iba pang kawani ng pamahalang lungsod sa patuloy na pagganap sa kanilang tungkulin at paglilingkod sa mga taga-Maynila.

Ayon sa alkalde, bagaman napakahirap ng kaniyang tungkulin, naging malawak ang pang-unawa ni Anzures at nakapagtimpi sa kabila ng sampal, suntok, at tadyak na inabot niya mula sa babae.

Paalala ni Moreno sa lahat ng kawani ng Pamahalaang Lungsod na sila ay nasa kasalukyang pwesto dahil sa tiwala ng mamamayan na ibinigay sa kanila.

Kaya hindi aniya dapat sirain ang tiwalang ito.