Babaeng nanakit ng traffic enforcer sa Maynila nabuking na isa palang drug courier

Natuklasan ng Manila Police District Special Mayor’s Reaction Team (MPD-SMART) na isa palang drug courier ang babaeng naaresto Osmeña Highway dahil sa pananakit sa isang traffic enforcer.

Ayon kay MPD-SMART chief, Col. Rosalino Ibay, may mga nakita silang ilegal na droga sa gamit ng babaeng suspek.

Nang busisiin din ang kaniyang cellphone ay natuklasan ang pakikipag-usap nito sa kaniyang mga katransaksyon.

Dahil dito, nagkasa ng follow up operation ang mga otoridad sa Ermita, Maynila at doon nadakip ang apat na suspek na kasamahan ng babae.

Kinilala ang mga nadakip na sina:

– Rendor Sanchez, 30 anyos
– Leopoldo Salamero, 20 anyos
– Jason Dela y Soriano, 29 anyos
– Marlon De Guzaman, 29 anyos

Lahat sila ay pawang residente ng Calamba, Laguna.

Dinala na sa tanggapan ng MPD-SMART ang mga suspek.

Nakumpiska sa kanila ang limang gramo ng hinihinalang shabu na P34,000 ang halaga.