Biyahe ng LRT-2 nagka-aberya; limitadong operasyon ipinatupad

Nagpatupad ng provisional service sa biyahe ng LRT line 2.

Sa inilabas na abiso ng Light Rail Transit Authority (LRTA) simula alas 5:00 ng umaga ng Lunes (May 24) ay mula Recto hanggang Cubao lamang at vice versa ang biyahe ng mga tren.

Walang naging biyahe mula Cubao hanggang Santolan at Santolan to Cubao.

Bunsod ito ng naranasang technical problem.

Magugunitang, ikinakasa na ng LRTA ang pormal na pagbubukas ng LRT-2 East Extension Project.

Sa June 2021 ay target na maging operational na ang dagdag na dalawang istasyon ng tren sa Marikina at Antipolo.