Mga peke at smuggled na “Heng De” face shields galing China nakumpiska sa Parañaque City

Sinalakay ng pinagsanib na pwersa ng National Bureau of Investigation (NBI), Bureau of Customs (BOC), at Philippine Coast Guard (PCG) ang warehouse ng mga peke at smuggled na face shields galing ng China.

Ayon sa Coast Guard, tinatayang P70 million na halaga ng peke at smiggled “Heng De” face shields galing China ang nakumpiska sa #83 Luzon Road, BF Homes, Parañaque City.

Ayon sa PCG, ang nasabing mga face shield ay hindi nakapasa sa inspeksyon at hindi naideklarang ligtas gamitin ng Food and Drugs Administration (FDA).

Nakatakdang wasakin ng BOC ang nasabing mga pekeng face shield.