Barangay Kagawad, 4 na iba pa arestado sa buy-bust sa Maguindanao

Arestado sa buy-bust operation sa Maguindanao ang isang incumbent na Barangay Kagawad.

Sa ikinasang operasyon, nadakip ang suspek na si Mama Ronie Salem ng Barangay Semba, Datu Odin Sinsuat sa operasyon ng Philippine Drug Enforcement Agency BARMM.

Naaresto din sa operasyon ang mga kasamang suspek na sina Tato Akmad Lalaog, 43; Rustom Salem Mama, 22; Joharie Kanacan Cusain, 22; at Norman Ali Abdullah. 19.

Ang kagawad at si Lalaog ang pinaniniwalaang nasa likod ng operasyon ng drug den.

Nakumpiska sa operasyon ang P68,000 na halaga ng hinihinalang shabu, mga drug paraphernalia, isang .45 cal. pistol na may magazine assembly at tatlong bala, isang cellphone at mga ID.

Mahaharap ang mga suspek sa kasong paglabag sa Republic Act 9165 o Comprehensive Dangerous Drugs Act of 2002 at RA 10591.