Makapal na usok namataan sa Bulkang Taal ngayong umaga

Nagbuga ng makapal at mataas na steam plume ang main crater ng Taal Volcano.

Ayon sa Phivolcs, pasado alas 6:00 ng umaga ng Biyernes (May 21) nang mamataan ang makapal na usok mula sa main crater ng bulkan.

Sinabi ng Phivolcs na ang tahimik na paglabas ng singaw sa Taal Main Crater ay nagsimula Huwebes (May 20) ng alas 11:00 ng gabo.

Kasabay ito ng naranasang pabugso-bugsong pag-ulan sa Taal area.

Paliwanag ng Phivolcs, ang ganitong insidente ay madalas na nagaganap kapag may pag-ulan sa Taal Main Crater kaya walang dapat na ipag-alala.