Rosario, La Union niyanig ng magnitude 4 na lindol; Intensity IV naitala sa Baguio City
Niyanig ng magnitude 4.0 na lindol ang lalawigan ng La Union.
Ang pagyanig ay naitala sa layong 11 kilometers northeast ng bayan ng Rosario alas 3:08 ng madaling araw ng Huwebes (May 20).
May lalim na 15 kilometers ang pagyanig at tectonic ang origin nito.
Naitala ang Intensity IV sa Baguio City.
Hindi naman inaasahang magdudulot ito ng pinsala at aftershocks.
