500,000 doses ng COVID-19 vaccine dumating sa bansa

Dumating na sa bansa ang karagdagang 500,000 doses ng Sinovac COVID-19 vaccine galing sa China.

Lumapag sa NAIA Terminal 2 ang Cebu Pacific Flight lulan ang nasabing mga bakuna Huwebes (May 20) ng umaga.

Kabilang si Health Sec. Francisco Duque III, sa sumalubong sa pagdating mga bakuna.

Sa kabuuan, umabot na sa 5.5 million doses ng Sinovac vaccine ang dumating sa bansa simula noong Feb. 28.

Target ng pamahalaan na sa susunod na buwan ay mapagsimula na ng pagbabakuna sa mga nasa A4 priority list.