BREAKING: 4 mula sa 287 na nagpunta sa Gubat sa Ciudad Resort sa Caloocan nagpositibo sa COVID-19

Apat na ang nagpositibo sa COVID-19 mula sa 287 na nagpunta sa Gubat sa Ciudad Resort sa Caloocan noong Mother’s Day.

Ayon sa Caloocan Covid-19 Command Center 287 na residente ng Caloocan ang natukoy na nagpunta sa nasabing resort batay sa stubs mula sa Gubat sa Cuidad.

123 mula sa 287 ang na-contact na ng LGU at naberipika ang kanilang personal data.

Mayroong 43 na naisailalim na sa Antigen test at mayroong 4 na nagpositibo sa COVID-19.

Ang 80 pa ay isinailalim sa swab test ngayong araw at ang iba ay bukas.

Isa sa apat na nagpositibo ay nailipat na sa quarantine facility.

Ang 164 pang guests ng resort ay hindi sumasagot sa tawag ng LGU.

Ang kanilang pangalan at address ay ieendorso sa Caloocan Police Station – Contact Tracers para sila ay mabisita sa bahay at maisailalim sa contact tracing process.