PNP chief, Gen. Eleazar nagsagawa ng inspeksyon sa mga police station sa Metro Manila

Nagsagawa ng sorpresang inspeksyon si PNP chief, Police Gen. Guillermo Eleazar sa ilang police station sa Metro Manila.

Unang nagtungo ang PNP chief sa Caloocan Police Station sub-station 15.

Bagaman luma na ang PCP maging mga gamit nito ay kuntento si Eleazar sa kalinisan ng presinto.

Ang Caloocan Police Station sub-station 15 ay mayroong 6 na barangay na nasasakupan.

Matapos ito ay nagtungo naman si Eleazar sa Greater Lagro PCP 1 sa Quezon City.

Dalawang barangay ang nasasakupan ng nasabing PCP kabilang ang Brgy. Greater Lagro at Brgy. Pasong Putik

Malinis ang loob ng PCP pero dismayado si Eleazar sa maduming paligid.

Nakita din ni Eleazar na hindi malinis ang Community Police Assistance Center (COMPAC) ng PCP 1.

Na-warningan ni Eleazar ang naka-duty na desk officer.

Aniya, sa kaniyang muling pagbisita sa presinto ay dapat mas maayos at malinis na ang paligid nito.